Facebook rannsakar tölvuveiru

Stjórnendur samskiptavefsins Facebook tilkynntu í dag að þeir hefðu til rannsóknar mögulega tölvuárás eða tölvuveiru sem hefði lýst sér í óumbeðnum mynd- og kortasendingum inn á fréttaveitur notenda Facebook.

Facebook sendi frá sér yfirlýsingu þar sem segir m.a. að öryggi vefsins sé forgangsatriði og allt sé gert til að koma í veg hvers konar tölvuárásir, ruslpósta eða tölvuveirur. Verið  sé að skoða fjölda tilkynninga um óæskilegar myndsendingar inn á síður Facebook-notenda. Klámmyndir hafa verið þar á meðal, sem og ofbeldisfullar myndir og teikningar. Eru slíkar sendingar ekki taldar æskilegar á Facebook, sem gefur sig út fyrir að vera fjölskylduvænn samskiptavefur.

Talið er að meira en 800 milljónir manna noti Facebook dagslega um allan heim.

• 1 blogg um fréttina

Bloggað um fréttina

• Gunnar Th. Gunnarsson: Steve Jobs brandari