Snjallsímar eru kuldaskræfur
Setja bókamerki
Snjallsímar þola illa frost og fimbulkulda. Verulega hægir á virkni þeirra þegar frost fer niður í fimm gráður og sumir þeirra hætta að virka við tíu gráðu frost. Eldri gerðir farsíma þola kuldann betur. Þetta kom fram í tilraun finnsks tæknitímarits.
Finnska tæknitímaritið MikroPC gerði tilraun á því hversu vel snjallsímar þoldu frost. Í ljós kom að þeir þola frost afar illa, við fimm gráðu frost átti i-Phone síminn með að lesa sim-kortið og við tíu gráðu frost tilkynnti síminn að rafhlaða hans væri að tæmast og slökkti síðan á sér stuttu síðar.
Eigendur i-Phone hafa einnig kvartað undan því að glerið í skjánum springi, þegar hitastigið fer niður fyrir frostmark.
Apple tekur enga ábyrgð á þessu, því að í ábyrgðarskírteini símanna stendur að síminn sé einungis nothæfur við 0-35 gráða hitastig.
En þetta á ekki einungis við um síma frá Apple. Rafhlaðan í Nokia N9s er fljót að eyðast og rafhlaða HTC-síma eyðist við 15 gráða frost. Rannsóknin sýndi ennfremur að eldri gerðir farsíma, þ.e. símar sem ekki eru snjallsímar, þoldu frost yfirleitt betur og virkuðu yfirleitt vel í hitastigi niður að -25°C.
Ástæða þessa er fyrst og fremst rafhlöðurnar í símunum.
Bloggað um fréttina
-
Steini Thorst:
Google translate ????
Enski boltinn styrkir stöðuna
Ódysseifskviða tekin upp á Íslandi
Segir afstöðu ráðherra lýsa skilningsleysi
Varaþingmaður fór með ruslið til Rúv: „Ekki boðlegt“
Enn ein gönguljós á Hringbraut
Norskir ríkisstyrkir hafa áhrif
Yfirgripsmikið mál en rannsókn miðar vel