Óhefðbundin fjáröflun

Á vefsíðunni www.kickstarter.com getur almenningur heitið á verkefni sem hann hefur trú á og þannig í krafti fjöldans fjármagnað stór verkefni sem annars myndu ekki fá fjármögnun.

Tim Schafer, tölvuleikjahöfundur, hefur nú í krafti þessarar vefsíðu upplifað hversu ófyrirsjáanlegar og margbrotnar slíkar óhefðbundnar fjáraflanir geta verið. Hann hannaði tölvuleikinn Psychonauts árið 2005 fyrir Xbox-leikjatölvuna.

Nýlega var hann spurður á twitter hvenær von væri á framhaldi á þessum vinsæla leik og hann svaraði að erfitt væri að fara til stórra framleiðanda og biðja um milljónir dollara til að búa til framhald á ævintýratölvuleik.

Annar tölvuleikjahönnuður, Markus Person, svaraði honum þá svona: „Látum Psychonauts 2 verða að veruleika“ [e. „Lets make Psychonauts2 happen“]. Þá fór verkefnið af stað á áðurnefndri vefsíðu, www.kickstarter.com, og markmiðið var að safna 400.000 dollurum frá almenningi og aðdáendum fyrri leiksins. Á einum degi söfnuðust hins vegar 1.2 milljónir dollara frá 32.000 einstaklingum.

Aðstandendur söfnunarinnar eru í skýjunum og geta að sögn vart lýst ánægju sinni og furðu. Hér má kynna sér vefsíðuna þar sem söfnunin fer fram.

• 1 blogg um fréttina

Bloggað um fréttina

• Freyr Bergsteinsson: Rangt farið með staðreyndir