Snjallsímar vinsælir í Bandaríkjunum

Fleiri Bandaríkjamenn nota nú snjallsíma en aðrar tegundir farsíma, en snjallsímum hefur fjölgað þar gríðarlega mikið að undanförnu. Næstum því helmingur fullorðinna Bandaríkjamanna á snjallsíma.

Þetta sýnir ný könnun, sem framkvæmd var af Pew Research Center. Þar kom í ljós að 46% Bandaríkjamanna, 18 ára og eldri, eiga og nota snjallsíma, en 41% notar hefðbundna farsíma. 12% eiga ekki farsíma.

Þetta er mikil aukning frá því í fyrra, þegar 35% áttu snjallsíma.

20% eiga síma með Android-stýrikerfi, 19% eiga iPhone og 6% eiga Blackberry. Þá eiga 2% Windows snjallsíma.

Aldraðir Bandaríkjamenn eru síður ginnkeyptir fyrir snjallsímum, en 13% þeirra sem eru 65 ára og eldri eiga slíka síma.

• 1 blogg um fréttina

Bloggað um fréttina

• Gunnar Th. Gunnarsson: Tímans tákn