Genamengi Ríkharðs 3. raðgreint

Vísindamenn hyggjast raðgreina allt genamengi Ríkharðs 3. til að afla frekari upplýsinga um konunginn, m.a. um háralit hans, augnalit, forfeður og skyldleika við fólk sem lifir núna. Þetta er í fyrsta skipti sem allt genamengi sögufrægs manns er raðgreint, að sögn The Telegraph.

Bein konungsins fundust undir bílastæði í Leicester og rannsókn hefur leitt í ljós að hann var krypplingur. Ennfremur hafa fundist vísbendingar um að hann hafi verið með þráðorm, sníkil sem var algengur á Englandi þegar Ríkharður var uppi.