Öfund eykur líkur á Alzheimer

Konur sem eru afbrýðisamar og mislyndar gætu verið í meiri hættu en aðrar á að fá Alzheimer-sjúkdóminn. Þetta er niðurstaða nýrrar sænskrar rannsóknar sem gerð var við Gautaborgarháskóla.

Vísindamennirnir komust að því að miðaldra konur sem eru kvíðnar, afbrýðisamar, stressaðar og mislyndar gætu verið í meiri hættu en aðrar á að fá Alzheimers-sjúkdóminn á efri árum.

Niðurstöður rannsóknarinnar voru birtar í fræðiritinu Neurology á miðvikudag. 800 konur tóku þátt í rannsókninni og stóð hún í 38 ár.

Konurnar voru látnar taka persónuleikapróf þar sem streita þeirra var m.a. metin. Þá var minni þeirra einnig prófað.

19% þátttakenda fengu elliglöp á efri árum. Niðurstaða vísindamannanna var m.a. sú að konur sem voru oft áhyggjufullar, afbrýðisamar, stressaðar o.fl. sem gæti flokkast til taugaveiklunar, voru tvöfalt líklegri en aðrar til að fá elliglöp.

Hér má lesa nánar um rannsóknina.

• 1 blogg um fréttina

Bloggað um fréttina

• Matthildur Jóhannsdóttir: Stress er stór áhrifavaldur í að fá Alzhimer