Safna undirskriftum gegn tilfinningatákni á Facebook

Hópur sem kallast „Endangered Bodies“ hefur sett á laggirnar herferðina „fita er ekki tilfinning“ (e. fat is not a feeling) og er herferðinni beint gegn svokölluðum tilfinningatáknum (e. emoticon) á Facebook. Yfir 13 þúsund einstaklingar skrifað undir á tveimur vikum hafa tekið þátt í undirskriftasöfnun hópsins á Charge.org en CNN greinir frá þessu.

„Þegar Facebook notendur setja stöðuuppfærsluna „feeling fat“, þá eru þeir að gera grín að fólki sem telur sig vera í yfirþyngd, sem getur leitt til þess að fjölmargir einstaklingar fái átröskun. Það er ekki í lagi,“ segir Catherine Weingarten, einn meðlima hópsins sem stendur fyrir herferðinni. 

„Fólk notar Facebook til að deila tilfinningum sínum með vinum og til að styðja hvert við annað,“ sagði talsmaður Facebook. „Ein leiðin sem við bjóðum notendum að fara er að tjá sig með því að bæta við tilfinningu í stöðuuppfærslurnar. Þú getur valið á milli yfir hundrað tilfinninga eða sett inn þína eigin tilfinningu.“

„Við teljum að þetta sé til þess fallið að ýta undir þær kröfur sem gerðar eru til ungs fólks um að fullkomið útlit,“ segir í myndbandi á heimasíðu Endangered Bodies.

• 3 blogg um fréttina

Bloggað um fréttina

• Teitur Haraldsson: Átröskun er ekki heimsfaraldur.
• Wilhelm Emilsson: Undirskriftalistar
• sleggjuhvellur: Forræðishyggjan allsráðandi