Plata sjálfkeyrandi bíla með leysi

Hakkarar geta auðveldlega gabbað skynjara sjálfkeyrandi bíla og látið þá halda að hindranir séu í vegi þeirra sem þeir þurfa að forðast eða stöðva fyrir. Öryggissérfræðingur sem sýndi fram á þennan galla segir að hann ætti að vekja framleiðendur sjálfkeyrandi bíla upp af værum blundi.

Sjálfkeyrandi bílar nota svonefnt LIDAR-kerfi, sem styðst sjálft við leysigeisla, til þess að nema umhverfið og koma auga á mögulegar hindranir á veginum. Með því að senda kerfinu fölsk gögn er hægt að rugla það í ríminu. Google, Lexus, Mercedes, Audi og fleiri bílaframleiðendur nota LIDAR í frumgerðum sjálfkeyrandi bíla sinna.

„Ef sjálfkeyrandi bíll fær lélegar upplýsingar tekur hann lélegar ákvarðanir. Ég get hermt eftir þúsundum fyrirbæra og í raun gert DoS-árás á skynjunarkerfið þannig að það getur ekki fylgt eftir raunverulegum hlutum, “ segir Jonathan Petit frá tölvuöryggisfyrirtækinu Security Innovation.

Með einföldum búnaði gat Petit truflað skynjara sjálfkeyrandi bíls úr allt að hundrað metra fjarlægð. 

Frétt The Guardian af truflun sjálfkeyrandi bílanna

• Blogga um frétt