Heitasta ár frá því að mælingar hófust

Meðalhiti í heiminum árið 2015 verður örugglega sá mesti síðan mælingar hófust. Þetta kemur fram hjá Alþjóðaveðurstofnuninni. Gögn sem ná til loka október á þessu ári sýna að hitinn hefur verið „vel fyrir ofan“ önnur 12 mánaða tímabil. 

Þá segja rannsóknarmenn að tímabilið frá 2011 til 2015 sé einnig heitasta fimm ára tímabil sem hafi mælst frá upphafi mælinga. Ástæða þessarar hækkunar er samblanda af miklum styrkleika El Nino veðurfyrirbærisins og mannlegra áhrifavalda, eins og losun gróðurhúsalofttegunda.

Hitastigið það sem af er þessu ári hefur verið 0,73°C yfir meðaltali áranna 1961-1990. Michel Jarraud, yfirmaður stofnunarinnar, segir við BBC að þetta séu „slæmar fréttir fyrir jörðina.“

• 3 blogg um fréttina

Bloggað um fréttina

• Ómar Ragnarsson: Eru starfsmenn Alþjóða veðurstofnunarinnar í hópi "40 þúsund fífla"?
• Þ. J.: SÞ og Öskubuska
• Sigurjón Jónsson: vel valið viðmiðunar tímabil