Fulltrúar á loftlagsráðstefnu Sameinuðu þjóðanna í París, COP21, hafa samþykkt textadrög sem sem menn vonast til að verði grundvöllur að nýju samkomulagi um samdrátt á losun gróðurhúsalofttegunda á heimsvísu.

Ráðherrar munu fjalla um drögin, sem telja 48 blaðsíður, á mánudag, að því er fram kemur á vef BBC.  Markmiðið er að komast að heildstæðu samkomulagi fyrir lok næstu viku. 

Umhverfisráðherra Frakka segir að menn verði að yfirstíga stórar pólitískar hindranir eigi menn að komst í mark. 

Fulltrúar frá 195 ríkjum unnu að gerð draganna í ráðstefnuhöllinni í Le Bourget í nótt, en Frakklandsforseti hafði gefið mönnum frest fram á hádegi í dag til að komast að sameiginlegri niðurstöðu.

Ráðherra munu nú fá drögin í hendur, en það verður hlutverk þeirra að taka pólitískar ákvarðnir eigi skjalið að umbreytast í samkomulag til langs tíma.

Tengdar fréttir

Loftslagsráðstefna Sameinuðu þjóðanna í París 2015

17 tilskipanir Bidens

• Fótósjoppuðu mynd af leiðtoga Græningja
• Súrnun hefur áhrif á allt lífríki hafsins
• „Ekki fyrir mig, því ég verð dauður“
• Björt segir ákvörðun Trump vonbrigði

» Fleiri tengdar fréttir

• 1 blogg um fréttina

Bloggað um fréttina

• sleggjuhvellur: Sorglegt