Hringferðinni lýkur á morgun
Setja bókamerki
Sólarknúna flugvélin Solar Impulse tók á loft frá Kaíró, höfuðborg Egyptalands, í nótt og heldur nú til Abú Dabí í lokalegg hringferðar sinnar um heiminn.
Búist er við því að það taki flugvélina 48 klukkutíma að komast til Abú Dabí, en þar hóf hún einmitt hringferð sína í mars í fyrra.
Svissneski flugmaðurinn Bertrand Piccard verður við stjórnvölinn þessa síðustu flugleið.
Solar Impulse 2 lagði upp frá Abú Dabí í mars í fyrra, eins og áður sagði, og hefur ferðast nærri því þrjátíu þúsund kílómetra. Tilgangur leiðangursins er að sýna fram á möguleika sólarorku í flugsamgöngum, en þetta er fyrsta flugvélin sem hefur flogið í kringum hnöttinn án þess að nota eldsneyti, eingöngu sólarorku.
Ferðin frá Kaíró til Abú Dabí verður sautjándi og jafnframt síðasti leggur hringferðarinnar.
Piccard og vinur hans Andre Borschberg hafa skipst á að stýra vélinni.
Viðræður ekkert þokast frá því á þriðjudag
Líklega komin á seinni hluta hrinunnar í Svartsengi
Hópur fólks reyndi að komast að eldgosinu
„Höfum sloppið bærilega með skaða af þessu gosi“
Hentugt gos fyrst gýs á annað borð
Drónamyndskeið frá hápunkti gossins í nótt
/frimg/1/53/7/1530787.jpg)
Flogið á milli ljósaskipta