Hitamet fallið um allan heim síðustu daga
Setja bókamerki
Á síðustu dögum hefur hvert hitametið fallið á fætur öðru á norðurhveli jarðar. Aldrei hefur hitinn mælst hærri á Írlandi, í Skotlandi og Kanada sem og á svæðum í Mið-Austurlöndum.
Í fréttaskýringu um málið á vef Washington Post er farin hringferð um jörðina og hitamet í hverri heimsálfu tiltekin.
Í Norður-Ameríku var t.d. hitametið í Denver jafnað 28. júní en þá mældist hitinn rétt yfir 40 gráðum. Í Burlington í Vermont var metið slegið en þar mældist 15,5°C 2. júlí.
Í Montreal í Kanada var 147 ára hitamet slegið er hitinn mældist 36,6 gráður 2. júlí.
Í Evrópu var mjög heitt á Bretlandseyjum, svo dæmi sé tekið. Í Skotlandi féllu hitamet, m.a. í Motherwell suðaustur af Glasgow en þar mældist yfir 33 stiga hiti 28. júní. Sömu sögu er reyndar að segja frá Glasgow þar sem hitinn fór í tæpar 32 gráður þann dag.
Í Asíu féll t.d. hitamet í Tbilisi í Georgíu en þar fór hitinn í 40,5 gráður 4. júlí sem er met frá upphafi mælinga. Þá féllu einnig hitamet víða í suðurhluta Rússlands.
Í Mið-Austurlöndum mældust 42,6 gráður í Óman 28. júní.
Síðustu fimmtán mánuði hafa hitamet auk þess fallið víða um heim m.a. í Pakistan þar sem mældist 50,2 stiga hiti í apríl.
Bloggað um fréttina
-
Tómas Ibsen Halldórsson:
Heimspressan er iðin við að fjalla um hita og hitamet. …
-
Ómar Ragnarsson:
Heimskortin sýna sitt.
Skilaboðin að það sé í lagi að tala ekki íslensku
Ekkert sem bendir til annars en að þróunin haldi áfram
„Prógrammið er að virka“
Mætti til Reykjavíkur til að funda með ráðherra
Álverið í Straumsvík í fullri starfsemi
Fara í atkvæðagreiðslu um verkfallsaðgerðir
Kafbátarnir auðvelda vöktun neðansjávarstrengja
Spyr hvort ekki þurfi að fara fram rannsókn