Makalaus fækkun fæðinga
Setja bókamerki
Makalaus fækkun fæðinga í heiminum veldur því að í tæplega helmingi ríkja heimsins fæðast svo fá börn að þau standa ekki undir fólksfjölgun. Þetta þýðir að afar og ömmur verða fleiri en barnabörn í mörgum ríkjum, segir í nýrri rannsókn sem fjallað er um í Lancet og á BBC.
Rannsakendur segja niðurstöðuna vera mikið undrunarefni en rannsóknin nær yfir langt tímabil, frá 1950 til ársins 2017.
Árið 1950 eignuðust konur að meðaltali 4,7 börn en í fyrra var hlutfallið 2,4 börn á konu. Í Níger eignast konur að meðaltali 7,1 barn en á Kýpur aðeins eitt barn. Ef meðalfrjósemi fer undir 2,1 barn þá fer fólki að fækka en þessi fækkun er áberandi í ríkjum þar sem barnadauði er mikill.
Prófesor Christopher Murray við Washington-háskólann segir í viðtali við BBC að komið sé að þeim tímapunkti að helmingur landa heims er kominn undir þau mörk að fæðingartíðni standi undir fólksfjölgun. Ef ekkert verður að gert þá fer fólki að fækka í þessum löndum.
Flest iðnríki heims, þar á meðal flest ríki Evrópu, Bandaríkin, Suður-Kórea og Ástralía, eru þar á meðal. Þetta þarf ekki að þýða að íbúum fari fækkandi að minnsta kosti ekki í ríkjum þar sem fjölmenning ríkir.
Altjón eftir að kviknaði í út frá rafmagni
Útlit fyrir að hallinn verði 17 milljörðum meiri
„Allir tilbúnir að hjálpa“
Börnum mismunað: Kjaradeilan verði leyst án tafar
Tíu börn á spítala, þar af tvö á gjörgæslu
Sjá mikinn viðsnúning og ætla ekki að skerða þjónustu
Ágreiningur í VG um aðild að NATO