Tækni & vísindi | mbl | 27.11.2020 | 8:54

Beint: Loftlagsfundur og breytingar síðustu 5 ára

Á fundinum verður farið yfir það sem gerst hefur í loftlagsmálum á síðustu fimm árum og horft fram veginn á næstu fimm ár. AFP

Árlegur Loftslagsfundur Festu og Reykjavíkurborgar fer fram í dag klukkan 9:00 – 11:10. Í tilefni af því að fimm ár eru liðin frá því að Parísarsamkomulagið var undirritað verður á fundinum farið yfir það helsta sem gerst hefur á síðustu fimm árum og þær gríðarlegu breytingar sem eru í farvatninu á næstu fimm árum.

Með samkomulaginu settu þjóðir heims sér það markmið að halda hlýnun jarðar innan við 2°C og þá helst nærri 1,5°C.

Hér á landi var loftlagsyfirlýsing Festu og Reykjavíkurborgar sett saman og undirrituðu 100 íslensk fyrirtæki og stofnanir yfirlýsinguna. Hafa síðan bæst við meðal annars Akureyrarbær og 20 fyrirtæki fyrir norðan og er heildarfjöldi þeirra fyrirtækja sem hafa skrifað undir nú 143.

Hægt verður að fylgjast með beinu streymi hér að neðan, en heildardagskrá fundarins má finna fyrir neðan spilarann.

Dagskráin í heild sinni:

Fundarstjóri: Erla Tryggvadóttir, varaformaður Festu

Guðmundur Ingi Guðbrandsson
- umhverfis- og auðlindaráðherra
Gunnhildur Fríða Hallgrímsdóttir
- loftslagsaktivisti og í stjórn Arctic Youth Network
Tómas N. Möller
- formaður Festu – miðstöð um sjálfbærni og samfélagsábyrgð
Halldór Þorgeirsson
- formaður Loftslagsráðs
Birta Kristín Helgadóttir verkefnastjóri hjá Grænvangi
- Græn skref fyrir alla
Hver er að gera vel?
- Innsýn í loftslagsaðgerðir fyrirtækja sem undirritað hafa Loftslagsyfirlýsinguna. Vörður, Íslandshótel og Advania.
Dagur B. Eggertsson
- borgarstjóri Reykjavíkur
Loftlagsviðurkenning Festu og Reykjavíkurborgar 2020
- Borgarstjóri afhendir viðurkenninguna
- Stutt kynning á verkefnum vinningshafa 2019
Michel Nevin sendiherra Bretlands á Íslandi
- COP26 og mikilvægi grænna lausna
  - Í nóvember 2021 heldur Bretland, í samstarfi við Ítalíu, 26. loftslagsráðstefnu Sameinuðu þjóðanna (COP26), í Glasgow. Sendiherra Bretlands fjallar um mikilvægi og upptakt ráðstefnunnar og áhersluatriði bresku formennskunnar.