Fimmti hver bíll rafknúinn árið 2023

Þýski bílaframleiðandinn BMW leggur nú allt kapp á að auka vægi rafmagnsbifreiða í framleiðslu nýrra bíla. Ef plön framleiðandans ganga eftir má gera ráð fyrir að slíkar bifreiðar verði fljótlega orðnar um 20% af öllum seldum bílum BMW. 

Í viðtali við forstjóra BMW, Oliver Zipse, kom fram að allt kapp verði nú lagt á að fjölga rafmagnsbifreiðum. „Við erum að fjölga rafmagnsbifreiðum svo um munar. Á árunum 2021 til 2023 verðum við með um 250 þúsund fleiri rafmagnsbíla en við höfðum áður búist við.“

Að því er fram kemur í ársreikningi BMW eru 8% af seldum bifreiðum nú knúin með rafmagni. Ljóst er að þróunin þarf að vera mjög hröð ef áætlanir eiga að ganga eftir. Í viðtalinu hvatti Zipse jafnframt ríki til að hraða uppbyggingu rafhleðslustöðva, en án þeirra verður erfitt fyrir framleiðandann að ná markmiði sínu.

• 1 blogg um fréttina

Bloggað um fréttina

• Ómar Ragnarsson: Sprenging í sölu léttra bifhjóla í Evrópu.