YouTube fjarlægir milljón myndbönd um Covid-19
Setja bókamerki
YouTube hefur fjarlægt fleiri en milljón myndbönd með villandi upplýsingum um Covid-19. Myndböndin eiga það sammerkt að innihalda rangar eða villandi upplýsingar á borð við órannsakaðar meðferðir og samsæriskenningar. Þetta kemur fram í bloggfærslu frá miðlinum sem er í eigu tæknirisans Google.
Í yfirlýsingunni segir Neil Mohan, yfirmaður vöruþróunar hjá Google, að miðillinn fari eftir upplýsingum heilbrigðisstofnanna á borð við CDC og Alþjóða heilbrigðismálastofnunina. Þó viðurkennir hann að í sumum tilfellum sé erfitt að skera úr um sannleiksgildi yfirlýsinga þegar um nýjan sjúkdóm sé að ræða.
Mohan segir að í miðjum heimsfaraldri eigi allir að hafa sannar og ítarlegar upplýsingar á reiðum höndum. Youtube fjarlægi um 10 milljón myndbönd á hverjum ársfjórðungi svo myndbönd með villandi upplýsingum um Covid eru í minnihluta. Hann tekur fram að í flestum tilfellum hafi einungis örfáir horft á myndböndin áður en þau eru fjarlægð.
Viðræður ekkert þokast frá því á þriðjudag
Ekki vandamál að vera karlmaður
Þarf að koma til móts við ólíkar þarfir lækna
Í kappi við tímann að reyna að afstýra verkfalli
Dregið úr gosóróa
Hulda saksóknari: „Tökum þetta ekki til greina“