Guðlaugur Þór Þórðarson, umhverfis-, orku og loftslagsráðherra, hefur ákveðið að skipa starfshóp sem mun kanna möguleikann á nýtingu vinds með vindorkuverum á hafi í lögsögu Íslands. Þetta staðfestir Steinar Ingi Kolbeins, aðstoðarmaður ráðherra, í samtali við mbl.is.

Frétt af mbl.is

Vindorka nýtt eftir fáein ár

Er þetta gert í samræmi við stjórnarsáttmála ríkisstjórnarinnar þar sem er tekið fram að marka skuli stefnu um vindorkuver á hafi. Áður en að stefnumótin getur hafist þarf að liggja fyrir heildrænt yfirlit yfir möguleika til framleiðslu raforku frá vindorkuverum.

Mun samantekt starfshópsins vera nýtt til að undirbúa stefnumörkun stjórnvalda um nýtingu vinds á hafi sem er liður í gerð uppfærðrar orkuskiptaáætlunar. „Skoða þarf vandlega hvort og þá hvernig vindorka á hafi verði liður í þeirri orkuskiptaáætlun sem sett verður fram á næstu misserum,“ segir Steinar.

Aðilar verða tilnefndir í starfshópinn af ÍSOR, Orkustofnun, Veðurstofunni og Náttúrufræðistofnun. Formaður verður skipaður án tilnefningar. Starfshópurinn mun leita upplýsinga hjá framangreindum stofnunum auk Hafrannsóknarstofnun, Samorku og Landsvirkjun ásamt upplýsingum erlendis frá.

Tengdar fréttir

Umhverfisvitund

Heildarflatarmálið stækkar við endurskoðun

• Fanga losun frá stóriðju og nýta í eldsneyti
• BM Vallá og Kapp hlutu umhverfisverðlaun
• Carbfix hlýtur Nýsköpunarverðlaun Íslands
• Hætt við að Ísland nái ekki að uppfylla markmiðin

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Tryllingslegar tölur, svo menn grípa andann á lofti.