Brotlenti á smástirninu á gífurlegum hraða

Mikil fagnaðarlæti brutust út í bandarísku geimferðastofnuninni NASA þegar geimfarið DART brotlenti á smástirninu Dímorfos í kvöld á 21.599 km/klst hraða. Geimfarið hefur verið á ferð í nokkra mánuði en því var skotið á loft í Kaliforníu í Bandaríkjunum í nóvember í fyrra.

NASA mun á næstunni fylgjast grannt með því hvort brotlendingin hafi borið tilskilinn árangur en markmiðið var að láta geimfarið fljúga á smástirnið til þess að hnika sporbraut þess um móðurhnöttinn Dídýmos. 

Frétt af mbl.is

Geimflaug NASA rekst á smástirni í kvöld

Þetta er gert í til­rauna­skyni til að ganga úr skugga um hvort hægt sé að breyta stefnu loft­steins sem myndi ann­ars lenda á jörðinni, hugs­an­lega með hrika­leg­um af­leiðing­um. Um er að ræða sögulega tilraun en þetta er í fyrsta skipti sem þetta er reynt. 

Geimfarið er á stærð við bif­reið en smá­st­irnið Dímorfos er um 160 metr­ar á lengd. Rétt áður en geimfarið brotlenti bárust fyrstu nákvæmu myndirnar af smástirninu.

Skjáskot af smástirnin úr geimfarinu rétt áður en það brotlenti. AFP/NASA

• 1 blogg um fréttina

Bloggað um fréttina

• Ómar Ragnarsson: Athyglisverð tilgáta varðandi eyðingu lífs á mars.