Mikill áhugi erlendra fjölmiðla
Setja bókamerki
Blaða- og fréttamenn frá hátt í 30 erlendum fjölmiðlum eru staddir hér á landi í tilefni af þjóðaratkvæðagreiðslunni um Icesave á laugardaginn.
Mikill áhugi var á fréttamannafundum sem haldnir voru fyrir þá í morgun með annars vegar þingmönnum frá stjórn og stjórnarandstöðu, þeim Guðbjarti Hannessyni og Kristjáni Þór Júlíussyni, og hins vegar með Gylfa Magnússyni, efnahags- og viðskiptaráðherra.
Íslensk stjórnvöld hafa opnað sérstaka fjölmiðlamiðstöð í Iðnó og þangað hafa komið fulltrúar stjórnvalda til upplýsingafundar með fjölmiðlunum. Flestir eru þeir frá Norðurlöndunum, Bretlandi og Hollandi, en einnig koma fréttamenn lengra að, svo sem frá Bandaríkjunum, Kína og Japan.
Meðal fjölmiðla sem sent hafa hingað sína fulltrúa eru BBC, sem eru alls með um 10 manns, Financial Times, New York Times, Independant, Telegraaf, Volkskrant, Irish Times og Aftenposten. Gert er ráð fyrir að fjölmiðlamiðstöðin verði opin fram á sunnudagskvöld.
Bloggað um fréttina
-
Mikill áhugi erlendra fjölmiðla.
-
Mikilvægt að kynna lagalega stöðu málsins
-
Vonandi fær öll ríkisstjórnin eins og leggur sig bráða barkabólgu!!
-
Betra illt umtal en ekkert
-
Að tryggja innistæðulaust traust
-
Upp, upp okkar sál.
-
Einstakt tækifæri til að styrkja okkar málstað.
-
Mæta Steingrímur J. og Jóhanna á kjörstað?