Um 50% kjörsókn í Reykjavík

Klukkan átta í kvöld höfðu 22.988 einstaklingar greitt atkvæði í Reykjavíkurkjördæmi suður, það gerir 52,19% af kjörskrá. Það er nokkrum prósentum meira en í norðurkjördæmi Reykjavíkur. Þar höfðu 21.235 kosið kl. 20 eða 48,28% af kjörskrá.

Samtals höfðu kl. 20 í Suðvesturkjördæmi 33.009 greitt atkvæði sem nemur 55,6% kjörsókn.  Í Alþingiskosningum 2009 höfðu 41462 kosið eða 71,2%.

Í Kópavogi höfðu  11.783 greitt atkvæði klukkan 20 sem er 53,71% kjörsókn.  Kjörsókn í alþingiskosningunum í fyrra var hins vegar orðin nærri 72% klukkan 20. 

Í Hafnarfirði höfðu 9898 kosið klukkan 20 sem er 54% kjörsókn. Í kosningunum í fyrra var kjörsóknin þar tæp 70% klukkan 20.

Á Akureyri höfðu 6368 kosið klukkan 20 eða 49,04%. Á sama tíma í fyrra var kjörsókn 65,8%.

• 3 blogg um fréttina

Bloggað um fréttina

• Þórkatla Snæbjörnsdóttir: Höfum ekki þroska til að vera þjóð með fullveldi.
• Ásgrímur Hartmannsson: Meira en 50% finnst kosningin ekki marklaus.
• Arnþór Ragnarsson: Fyrirspurn