Lokatölur úr Norðausturkjördæmi
Setja bókamerki
Kjörstjórn í Norðausturkjördæmi hefur lokið talningu atkvæða eftir að loks tókst að flytja atkvæði Grímseyinga til Akureyrar með flugi á sjöunda tímanum í kvöld.
Samkvæmt upplýsingum frá Páli Hlöðvessyni, formanni yfirkjörstjórnar Norðausturkjördæmis, voru alls 28.587 á kjörskrá í Norðausturkjördæmi en atkvæði greiddu 16.947. það þýðir að kjörsókn í kjördæminu var 59,28%.
Alls sögðu 329 já eða 1,94%, en 15.667 eða 92,4% nei. Auðir atkvæðaseðlar voru 899 eða 5,3% en ógildir 52.
Alls kusu í kosningunum í heild á landsvísu 144.231 manns. Já sögðu 2.599 eða 1,8 prósent. Nei sögðu 134.397 eða 93,2 prósent. Ógild atkvæði voru 7235 eða 5%. Þar af voru 6744 seðlar auðir en 491 atkvæði var ógilt af öðrum ástæðum. Kjörsókn var 62,7 prósent, samkvæmt upplýsingum frá landskjörstjórn.
