Veiði | mbl | 15.8.2012 | 15:28

Laxlaus eftir þrjá veiðitúra

Það eru fæstir veiðimenn með góðann afla eftir erfitt sumar.

Það heyrist mikið af því í sumar að margir hafi veitt lítið eða ekkert í sumum hollunum en ég hef ekki heyrt frá mörgum sem eru laxlausir eftir 11 daga í veiði.

Einar Jónsson sendi okkur póst og sagði okkur aðeins frá hrakförum sínum í sumar.

"Sæll Kalli, mér datt í hug að senda þér póst og segja þér aðeins frá því hvernig veiðin hjá mér er búin að vera í sumar, eða öllu heldur skortur á veiði. Ég er búinn að fara í þrjá túra í sumar og er ekki búinn að setja í einn fisk! Ég kann ágætlega til verka þegar kemur að veiði enda búinn að standa í þessu í rétt um 20 ár og veiði yfirleitt ágætlega. En í sumar er ég búinn að fara í Víðidalsá, Norðurá og Grímsá og er ennþá laxlaus. Ég hef veitt þessar í nokkur skipti og hef gert góða túra í þeim síðustu ár en þetta sumar er bara búið að vera alveg skelfilegt.

Ég nú þegar farinn að leita mér að einhverjum ódýrum leyfum í haust þar sem er von á laxi eins og í Rangánum því ef það verður ekki sporður í kistunni eftir sumarið er ég hræddur um að konan fari að fela veiðidótið og draga mig með sér í golf. Guð forði mér frá því!"

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.