Veiði | mbl | 31.8.2012 | 13:04

Veislan heldur áfram í Ytri Rangá

Ytri Rangá er aflahæsta á landsins það sem af er veiðisumri.

Ytri Rangá trónir á toppnum yfir aflatölur landsins en í samantekt frá Landssambandi Veiðifélaga er áin með 2932 veidda laxa en veiði með blönduðu agni hófst í dag.

Dagurinn skilaði samtals 161 laxi og það má reikna með því að dagarnir framundan komi til með að lyfta ánni hratt upp í 4000 laxa. September í Ytri Rangá er oft drjúgur og sömuleiðis í Eystri ánni þegar hún er ekki erfið til veiða sökum litar. Aðrar hafbeitarár á suðurlandi hafa verið að gera það mjög gott samanber er veiðin í Affallinu komin í 328 laxa og Þverá í Fljótshlíð er komin í 181 lax og er komin um 70 löxum yfir veiðina í fyrra sem verður að teljast frábær árangur í þessari nettu á.

Það er veitt til loka október í Ytri Rangá svo það má vel reikna með því að áin gæti endað þetta tímabil í 5000-6000 löxum ef áframhaldið verður jafn gott. Samkvæmt vefnum hjá Lax-Á eru einhverjar stangir lausar næstu daga fyrir þá sem hafa ekki náð að sefa veiðihungrið í sumar.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.