Veiði | mbl | 16.3.2013 | 9:39

Benelli með nýjungar í nýrri byssu

Sportveiðimenn fylgjast vel með þeim nýjungum sem framleiðendur koma með reglulega og sérstaklega er eftirvæntingin mikil þegar það kemur að skotvopnum því stökkin í þróun þar á bæ þykja oft mjög stór. Benelli kynnti ásamt öðrum framleiðendum nýjungar á nýafstaðinni IWA Outdoors & Classics sýningunni í Nurnberg í Þýskalandi.

Stærsta nýjungin hjá Benelli þetta árið var endurhönnun á útliti Raffaello línunnar sem er íslenskum skotveiði og byssuáhugamönnum vel kunnug. Ný tegund af bakslagsminnkandi púða Progressive Comfort® tryggir hámarks minnkun á bakslagi án þess að þurfa að breyta ytra útliti byssunnar þar sem allir hlutar púðans sem hafa áhrif á bakslagið eru inni í skeftinu. Einnig er í fyrsta skipti á haglabyssu með viðarskefti búið að koma fyrir kinnpúða með gelfyllingu til að mykja ákomu byssunnar að andlit skotmannsins og gera notkunina enn ánægjulegri.

Með nýrri tækni í hönnun á hlaupinu sem hefur fengið nafnið Powerbore® er hámarks nákvæmni, krafti auk jafnrar ákomu haglanna tryggð, sem í raun tryggir þar að auki að bráðin er felld af meira öryggi og minni líkur eru á að missa frá sér særða bráð. Tvær útfærslur verða í boði Powerbore með silfruðu láshúsi og Black með svörtu láshúsi. Raffaello verður komin á markað í lok Júlí þannig að menn geta látið sig hlakka verulega til fram að því enda vafalaust margir spenntir að fá að skoða og prófa þessa einstöku byssu.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.