Risalax kom í grásleppunet í Norðfirði

Á vef Veiðiþjónustunnar Strengja, www.strengir.is, er að finna frétt um einn stærsta lax sem hefur komið á land síðan Árni Baldursson tók tröllvaxinn lax á land úr Selá í fyrra.

Laxinn sem kom í net í Norðfirði var 114 sm langur og 63 sm að ummáli.  Samkvæmt fréttinni hefur Veiðimálastofnun þegar fengið hreistursýni úr laxinum til að rannsaka.  Stærsti lax sem veiðst hefur á Íslandi er Grímseyjarlaxinn en hann veiddist árið 1957 og var um 20 kg. Aldursgreining á Grímseyjarlaxinum leiddi í ljós að hann var tíu ára gamall en því hefur verið fleygt fram að líklega hafi sá lax verið af norskum stofni en það verður þó aldrei sannað með neinni vissu.  Ekki er vitað með neinni nákvæmni hvaðan þessir stórlaxar koma en margir telja að laxinn skríði meðfram ströndum landsins norður á bóginn þangað til þeir koma í ána sína.

https://www.youtube.com/watch?v=eG5-izIpLsA

• 1 blogg um fréttina

Bloggað um fréttina

• Júlíus Már Baldursson: Skildi þetta vera ætt?

Seinustu hundraðkallar sumarsins