Innlent | mbl | 20.6.2014 | 12:00 | Uppfært 12:51

Borgarstjórinn veiddi fyrsta laxinn

Dagur B. Eggertsson, borgarstjóri ásamt Örnu Einarsdóttur, eiginkonu sinni og Ásgeiri Heiðari, leiðsögumanni við Elliðaána í dag. Mynd/Ólafur Jóhannsson

Dagur B. Eggertsson, borgarstjóri, veiddi fyrsta laxinn í Elliðaánum á veiðitímabilinu sem hófust í dag. Árnar voru formlega opnaðar í morgun þegar Reykvíkingar ársins, þeir Gunnar og Kristján Jónassynir, eigendur verslunarinnar Kjötborgar, voru mættir til veiða.

„Hann var fallegur,“ sagði Dagur um laxinn, sem vó 4 pund. Laxinn veiddist á maðk á stað sem nefnist Teljarastrengur. „Ég get sagst hafa veitt stærsta lax sumarsins í hálftíma,“ segir Dagur, léttur í bragði, en annan lax sumarsins veiddi kona hans, Arna Dögg Einarsdóttir. Sá lax reyndist 9 pund.

Dagur segist ekki vera mikill laxveiðimaður en útilokar ekki að fara aftur að veiða í Elliðaánum í sumar. „Við skulum sjá til, en ég er ekki með það á dagskránni eins og er,“ segir Dagur.

Fínar aðstæður voru til laxveiða í Elliðaánum í morgun. „Við höfum fengið frábæra aðstoð frá Ásgeiri Heiðari og þaulkunnugu fólki. Okkur veitti ekki af, því laxinn er rólegur að ganga upp ánna í ár. Annars er æðislegt veður, og yndislegt að vera hér í dalnum,“ segir Dagur.

Mynd/Ólafur Jóhannsson

mbl.is/Golli

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.