„Þetta kemur mér ekki á óvart. Við settum í gang smá könnum í fyrrahaust um hvar hefði fundist regnbogasilungur í íslenskum ám og við fengum hátt í 100 tilkynningar, hringinn í kringum landið,“ segir Orri Vigfússon, formaður NASF (Verndarsjóður virkra laxastofna), í samtali við mbl.is.

Eins og sagt var frá fyrr í kvöld hefur komið í ljós gat við botn sil­ung­seldisk­ví­ar fyr­ir­tæk­is­ins Arctic Sea Farm í Dýraf­irði. Kem­ur þar fram að með upp­götv­un­inni kunni að hafa fund­ist meg­in­skýr­ing­in á „mögu­legri slysaslepp­ingu regn­bogasil­ungs“ sem fjallað var um síðastliðið haust.

Frétt af mbl.is

Gat fannst við botn eldiskvíar

„Þetta er eins og minkurinn, þetta á ekki heima í íslenskri náttúru, hvorki kynbættur norskur lax eða regnbogasilungur. Þetta er úr náttúrunni á vesturströnd Bandaríkjanna og er sérstaklega vondur smitberi á sníkjudýrum og smithættu og sjúkdómum,“ bætir Orri við.

Í tilkynningu frá Arctic Sea Farm kemur fram að fram undan sé ítarleg greining á or­sök­um gats­ins í sam­starfi við Fiski­stofu og MAST. 

„Því miður virðist MAST ekki hafa nokkurt eftirlit eftir þessu. Við höfum gagnrýnt það mjög mikið. Þetta sýnir vinnubrögð þeirra. Við sendum kæru í fyrrahaust til atvinnumálaráðuneytisins og óskuðum eftir því að allar verklagsreglur hjá Mast væru endurskoðaðar. Það var svo í nóvember í kringum brúneggjamálið að endurskoðun var sett í gang,“ segir Orri og bætir við að það þurfi að herða eftirlitið.

„Ef það kemur eitthvað upp hjá þessum aðilum tekur marga mánuði að fá upplýsingar um það. Þetta er gjörsamlega stjórnlaus iðnaður og það þarf virkilega að herða tökin á öllu eftirliti.“

Tengdar fréttir

Fiskeldi

Fagna nýjum áfanga í eldi Laxeyjar

• First Water leigir húsnæði Ísfélagsins
• Gjald á sjókvíaeldi hækkar um 46%
• Vantar stöðugleika í framboði af laxi
• Frestuðu slátrun til að hámarka verð

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: 100 tilkynningar og 60 kvartanir yfir engu?

Seinustu hundraðkallar sumarsins