Innlent | Morgunblaðið | 16.8.2023 | 12:03

Hamfarir í ám á Vesturlandi

Vatn í ám á Vesturlandi er nú af skornum skammti. Laxfoss í Norðurá skartaði sínu fegursta í byrjun sumars en er nú ekki svipur hjá sjón. Ljósmynd/Norðurá

„Það er búið að vera þurrt og lítil úrkoma upp á síðkastið og allar vorleysingar búnar,“ segir Kristín Elísa Guðmundsdóttir, náttúruvársérfræðingur hjá Veðurstofu Íslands. „Það er alveg eðlilegt fyrir þennan árstíma,“ segir hún en margir veiðimenn eru með böggum hildar yfir vatnsbúskapnum á Vesturlandi.

Frétt af mbl.is

Fádæma þurrt: Margar ár nánast vatnslausar

Hægt er að fylgjast með rennsli í völdum ám á vef Veðurstofunnar og þar má til dæmis sjá að rennsli í Norðurá í Borgarfirði undanfarinn sólarhring nær ekki þremur rúmmetrum á sekúndu og í Haukadalsá í Dölum er það komið undir einn rúmmetra.

Kristín kannast við vonbrigði veiðimanna vegna sumarblíðunnar. „Það hefur ekki rignt almennilega síðan í júní.“

Hún útilokar ekki að loftslagsbreytingar hafi orsakað þetta ástand. „Þær munu hafa ýmis áhrif á veðrið hjá okkur.“ Samhliða hlýju veðurfari og minnkandi vatni í ánum hefur vatnshiti hækkað og fiskur verið latur til töku. Dæmi er um að vatnshiti í ám sé kominn yfir 15 gráður.

Ekki upp á marga fiska

Ingimundur Bergsson, framkvæmdastjóri Stangaveiðifélags Reykjavíkur, segir að þurrkatíðin hafi verið með eindæmum, sem hafi haft áhrif á laxveiðina á Vesturlandi síðustu daga og vikur.

Nánari umfjöllun er að finna í Morgunblaðinu í dag.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.
101 cm	Laxá í Aðaldal	Richard Jewell	9. ágúst 9.8.