Súkkulaðibökur með ís og súkkulaðisósu

fyrir 10

Botninn:

• 200 g Hobnobs kex
• 5 msk smjör brætt

Aðferð:

Hitið ofninn í 180°C. Myljið kexið í matvinnsluvél eða með kökukefli í plastpoka. Bætið smjöri út í og blandið vel saman. Smyrjið smelluform (24 cm) eða ofnfast bökuform með olíu eða smjöri og fóðrið það að innan með kexmylsnunni. Einnig er gott að nota múffu silikonform. Bakið deigskelina í 10 mín.  

Fylling:

• 200 g gæðasúkkulaði í bitum (Green&Black)
• 3 dl rjómi
• 2 stór egg
• 1 ½  tsk. vanilludropar

Bræðið súkkulaðið í vatnsbaði. Hellið rjómanum í skál. Bætið eggjum út í einu í einu og síðan vanilludropum. Hellið súkkulaðinu út í og pískið létt saman. Hellið fyllingunni í bökuskelina og bakið áfram í 20 mín. Berið fram strax eða kælið og hitið augnablik áður en þið berið fram.

Súkkulaðisósa:

• 50 g gæðasúkkulaði (Green&Black)
• 2 msk. hlynsíróp
• 2 msk. rjómi
• 2 msk. vatn

Sjóðið allt saman í potti við vægan hita.  

Meðlæti:

• 1 box Häagen-Dazs ís með vanillu
• Fersk ber

Setjið kökur á fallega diska. Stráið berjum í kring. Setjið kúlu af Häagen-Dazs ís ofan á hverja köku. Setjið súkkulaðisósuna ofan á ísinn og berin allt um kring.