Mikil örvænting hefur gripið um sig meðal bakara landsins þar sem þurrger er uppselt á landinu. Reyndar er vandamálið útbreiddara en svo því heimildir herma að þurrger sé að verða uppselt um alla álfuna enda fólk greinilega duglegt við að baka heima í samkomubanninu.

Útsendari matarvefjarins fór á stúfana í morgun og greip í tómt í bæði Krónunni og Nettó. Þá hvíslaði ónefnd kona fremur laumulega (í tveggja metra fjarlægð) að hún hefði haft spurnir að því að til væri þurrger í 500 g pakkningum í Hagkaup í Spönginni. Það hefði komið á hádegi í gær en hún vissi ekki hvort það væri enn til.

Því var rakleiðis haldið í Hagkaup á Eiðistorgi þar sem ananas var ávöxtur mánaðarins!!! og töluvert reyndist til af gerinu góða. Matarvefurinn er því vel settur af þurrgeri og getur haldið áfram að baka eins og vindurinn.

Samkvæmt nýjustu heimildum er einnig hægt að fá ger í Fjarðarkaup.

- - -

Fylgstu með Matarvefnum á Instagram og Facebook. Endalaus ævintýri, hugmyndir, skemmtilegir leikir og allt það heitasta heita ...

Svo megið þið endilega tagga okkur á Instagram þegar þið eruð að elda eitthvað spennandi @matur.a.mbl

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• 1 blogg um fréttina

Bloggað um fréttina

• G. Tómas Gunnarsson: Sálfræði- og vísindahliðin á brauðbakstri