Bolton vann öruggan sigur á Reading, 5:2, í C-deild enska fótboltans í dag.
Jón Daði Böðvarsson, sem lék áður með Reading, skoraði þriðja mark Bolton á 49. mínútu er hann kom liðinu í 3:1. Hann innsiglaði síðan þriggja marka sigur með marki í uppbótartíma.
Selfyssingurinn lék allan leikinn með Bolton, sem er í þriðja sæti með 78 stig, þremur minna en Derby í öðru sæti og átta stigum á eftir toppliði Portsmouth.