Dramatískt jafntefli í Newcastle – dýrmætur sigur Forest
Setja bókamerki
Newcastle United og Everton gerðu jafntefli, 1:1, þegar 31. umferð ensku úrvalsdeildarinnar í knattspyrnu karla hófst með tveimur leikjum í kvöld. Nottingham Forest vann þá góðan heimasigur á Fulham, 3:1.
Newcastle er áfram í áttunda sæti, nú með 44 stig. Everton er í 16. sæti með 26 stig, fjórum stigum fyrir ofan fallsæti.
Alexander Isak kom Newcastle í forystu eftir stundarfjórðungs leik. Hann slapp þá inn fyrir vörn Everton eftir sendingu Harvey Barnes, fór illa með varnarmenn Everton og lagði boltann snyrtilega í netið.
Eftir tæplega klukkutíma leik virtist Dan Burn vera að tvöfalda forystu heimamanna þegar hann skoraði af stuttu færi eftir sendingu Isaks. Eftir athugun í VAR var Isak hins vegar dæmdur rangstæður.
Skömmu fyrir leikslok fékk Everton dæmda vítaspyrnu eftir VAR athugun eftir að Paul Dummett greip um Ashley Young og togaði hann niður innan vítateigs.
Dominic Calvert-Lewin steig á vítapunktinn og skoraði tveimur mínútum fyrir leikslok. Martin Dúbravka var með hendur í boltanum en varði skotið í netið.
Mikilvægur sigur í Skírisskógi
Forest fékk Fulham í heimsókn og vann 3:1. Forest er áfram í 17. sæti en nú með 25 stig, þremur stigum fyrir ofan fallsæti.
Forest leiddi með þremur mörkum, 3:0, í hálfleik, þar sem Marco Silva, knattspyrnustjóri gestanna, gerði þrefalda skiptingu í fyrri hálfleik.
Mörk Forest skoruðu Callum Hudson-Odoi, Chris Wood og Morgan Gibbs-White.
Tosin Adarabioyo minnkaði muninn fyrir Fulham í upphafi síðari hálfleiks.
Segja ekkert komið fram sem sanni sök flugmannsins
Eðlilegt að fjör sé að færast í leikinn
Yfir 20 þúsund símtöl verða að engu
„Greinlega allt á réttri leið“
Bjóða fólki að færa sig um flug
Kjarnavopn úr greipum manna?
„Verulega brugðið að sjá þennan þátt“
Isavia hlaut ekki meðbyr í Hæstarétti