Foden skaut Aston Villa í kaf
Setja bókamerki
Manchester City vann öruggan heimasigur á Aston Villa, 4:1, í ensku úrvalsdeildinni í fótbolta í kvöld.
City er áfram í þriðja sæti en nú með 67 stig, jafnmörg og Liverpool og einu á eftir Arsenal. Liverpool á leik til góða.
Manchester-liðið byrjaði af krafti og Rodri skoraði fyrsta markið á 11. mínútu er hann skoraði úr teignum eftir sendingu frá Jeremy Doku.
Aston Villa gafst ekki upp og Jhon Durán jafnaði á 20. mínútu eftir góðan samleik við Morgan Rodgers.
Stefndi allt í að liðin færu jöfn til búningsherbergja, en Phil Foden var á öðru máli. Kom Foden City í 2:1 í uppbótartíma fyrri hálfleiks með marki beint úr aukaspyrnu.
Hann tvöfaldaði forskot City á 62. mínútu með glæsilegu skoti í stöng og inn eftir sendingu frá Rodri og hann fullkomnaði þrennuna á 69. mínútu með glæsilegu skoti upp í samskeytin og þar við sat.
| Man. City | 4:1 | Aston Villa |
|
|---|---|---|---|
| Aston Villa fær hornspyrnu Það verða að minnsta kosti fjórar mínútur í uppbótartíma. | |||
Viðræðurnar á viðkvæmu stigi
„Verulega brugðið að sjá þennan þátt“
„Ég á mjög mikið inni“
Yfir 20 þúsund símtöl verða að engu
„Greinlega allt á réttri leið“
Mannlegir þættir orsakavaldur flugslyssins á Þingvallavatni