Uppselt á Metallicu

Allir fimmtán þúsund miðarnir á tónleika Metallicu seldust upp á mettíma, tveimur tímum, sem ku vera met í íslenskri tónleikasögu.

Hluti miðanna, alls um 3.000 miðar, voru boðnir til sölu á www.farfuglinn.is, síðu á vegum Icelandair, sem er styrktaraðili tónleikanna. Seldust þeir miðar upp á 17 mínútum. Það gerir þrjá selda miða á sekúndu.

Að sögn talsmanna RR ehf. hafa Metallica-menn sent bestu kveðjur til Íslands og segjast hlakka mjög til að halda tónleika fyrir aðdáendur sínar eftir þessar móttökur.