Scarlett Johansson nýtt andlit Calvins Kleins

Nýstirnið Scarlett Johans­son hef­ur verið val­in and­lit nýrr­ar línu hjá Cal­vin Klein snyrti­vöru­fyr­ir­tæk­inu. Johans­son sló í gegn í kvik­mynd­inni Lost in Translati­on þar sem hún lék á móti Bill Murray. Scarlett mun birt­ast í aug­lýs­ing­um og kynn­ing­ar­bæk­ling­um Cal­vin Klein fyr­ir hina nýju línu fyr­ir­tæk­is­ins fyr­ir kon­ur, Eternity Moment, sem mun verða kynnt til sög­unn­ar í sept­em­ber.

Að sögn tals­manns snyrti­vöru­fyr­ir­tæk­is­ins varð Johans­son fyr­ir val­inu þar sem hún sé lýs­andi fyr­ir það sem ung­ar kon­ur sæk­ist eft­ir um þess­ar mund­ir, sjálf­stæði, sjálfs­traust og kraft.

Leik­ar­inn Trent Ford mun leika á móti Scarlett í sjón­varps­aug­lýs­ingu, sem mun koma fyr­ir sjón­ir áhorf­enda inn­an tíðar. Johans­son seg­ir að árið hafi verið heilt æv­in­týri fyr­ir sig og að þessi aug­lýs­inga­her­ferð sé topp­ur­inn. „Mér er sýnd­ur heiður og ég er jafn­framt undr­andi,“ sagði þokka­dís­in.

• Blogga um frétt