Damien Rice og Renée Zellweger sögð vera að draga sig saman

Breskir fjölmiðlar segja frá því að bandaríska kvikmyndastjarnan Renée Zellweger og írski söngvarinn Damien Rice séu að draga sig saman. Rice er Íslendingum að góðu kunnur en hann hefur nokkrum sinnum haldið tónleika hér á landi.

Haft er eftir heimildarmönnum, sem þekkja til, að Renée og Damien hafi átt í sambandi um nokkurn tíma og séu afar hamingjusöm. Þau hafi bæði dálæti á tónlist og bæði séu hugsuðir auk þess sem Damien sé skáld og þau eigi vel saman.

Sagt er að Zellweger hafi heimsótt Rice í Dublin og sést hafi til hennar skoða íbúðir í borginni.

Rice á Nasa á tónleikum í Nasa í fyrra. mbl.is/Sverrir

• Blogga um frétt