Jákvæða þungunarprófið hennar Britneyar auglýst til sölu

Netspilavítið Goldenpalace.com mun hafa auglýst til sölu jákvæða þungunarprófið sem fyrst gaf Britney Spears vísbendingu um að hún væri barnshafandi. Mun stauturinn, með þvagsýni og öllu saman, hafa fundist í rustafötu á baðherbergi á hóteli í Los Angeles. Frá þessu greinir Ananova og hefur eftir Female First.

Segir sagan að það hafi verið kanadísk útvarpsstöð, New Hot 89,9, sem fyrst keypti þungunarprófið af „tengilið“ á umræddu hóteli, sem ekki er nefnt á nafn, þar sem Britney mun hafa gist.

Samkvæmt frétt Ananovu ætlar Goldenpalace að gefa söluandvirði prófsins til góðgerðarmála.

• Blogga um frétt