Pink Floyd spilar á Live 8

Nýjar hljómsveitir bætast óðum við þann mikla fjölda sem langar til að koma fram á Live 8 tónleikunum sem haldist verða í næsta mánuði. Nú hefur fengist staðfest að hins fornfræga hljómsveit Pink Floyd ætli að koma fram á tónleikunum í Hyde Park 2. júlí næstkomandi. Um merkisatburð er að ræða en Roger Waters, fyrrum söngvari hljómsveitarinnar, mun spila með Pink Floyd.

Skipuleggjendur tónleikanna, Bob Geldof og Midge Ure, vilja með tónleikunum þrýsta á leiðtoga iðnríkjanna átta, sem fundi í nágrenni Edinborgar í Skotlandi, til að auka fjárframlög til fátækra ríkja í Afríku.

Þá hafa nýir tónleikar bæst við. Þeir verða haldnir í Edinborg í Skotlandi 6. júlí næstkomandi. Þar munu meðal annars koma fram hljómsveitirnar Travis, Snow Patrol og söngkonan Dido.

Roger Waters, einn stofnenda Pink Floyd, hætti í hljómsveitinni árið 1985. Hann hefur ekki spilað með hljómsveitinni í 20 ár.

Fréttavefur BBC greindi frá.

• Blogga um frétt