David Beckham og Snoop Dog orðnir sms-vinir

Fregnir herma að David Beckham, fyrirliði enska landsliðsins í knattspyrnu, og bandaríski rapparinn Snoop Dog séu orðnir sms-vinir. Sameiginlegur vinur þeirra kom þeim í símasamband og nú eru þeir að stefna að því að hittast síðar í sumar.

Snoop Dog, sem er 33 ára og mikill áhugamaður um knattspyrnu, gerðist aðdáandi Beckhams eftir að hann var viðstaddur Evrópukeppnina í knattspyrnu í Portúgal árið 2004. Í kjölfarið fékk Snoop vin sinn til að gefa sér farsímanúmer Beckhams því hann hafði hrifist mjög af stíl knattspyrnumannsins, innan vallar sem utan. Beckham, sem er 30 ára og var ásakaður um að hafa sent Rebeddu Loos dónaleg sms-skilaboð, var mjög ánægður með að fá sms frá Snoop enda mikill aðdáandi rapp-tónlistar.

„Beckham var yfir sig hrifinn þegar hann fékk fyrstu skilaboðin frá Snoop vegna þess að hann er mikill rapp-aðdáandi. Hann trúði því reyndar ekki fyrst að þetta væri Snoop. Þeir hafa hins vegar verið í sambandi síðan og sent hvor öðrum gjafir, svo sem áritaða boli og plötur, og þeir vonast til að geta hist í sumar,“ sagði heimildarmaður breska dagblaðsins The Sun.

Snoop Dogg. mbl.is

• Blogga um frétt