Venesúelamenn naktir í þágu listarinnar

Banda­ríski ljós­mynd­ar­inn Spencer Tunick hef­ur nú ljós­myndað alls­bera Venesúela­menn í Caracas, höfuðborg Venesúela, en Tunick hef­ur ferðast vítt og breitt um heim­inn og myndað nakið fólk á ólík­um svæðum. Tunick biður fólk um að koma á ákveðinn stað á ákveðinni stund og fækka föt­um og hafa viðbrögðin ekki látið á sér standa.

Meðal þeirra sem hóp­ast hafa nakt­ir sam­an eru Banda­ríkja­menn, Arg­entínu­menn, Ný­sjá­lend­ing­ar og Chi­le­bú­ar. Mynd­irn­ar verður hægt að sjá í ljós­mynda­bók sem Tunick er að safna efni í.

• Blogga um frétt