Holmes og Cruise eignast dóttur

Leik­arap­arið Tom Cruise og Katie Hol­mes eignuðust dótt­ur í gær og hef­ur hún verið nefnd Suri. Móður og barni heils­ast vel. Þetta er fyrsta barn þeirra en Cruise á fyr­ir tvö ætt­leidd börn. Stúlk­an vó 3,4 kg og er 50,8 sm.

Mikið hef­ur verið rætt um hug­mynd­ir Cruise og Vís­inda­kirkj­unn­ar um barns­fæðing­ar en eng­ar fregn­ir hafa borist af því hvernig fæðing­in fór fram, en sein­ast sagðist Cruise ætla að snæða nafla­streng­inn og fylgj­una um leið og barnið kæmi í heim­inn. Einnig sagði hann fæðing­una verða að fara hljóðalaust fram sam­kvæmt trú­ar­brögðunum. Frétta­vef­ur BBC sagði frá þessu.

• Blogga um frétt