Iggy Pop tónleikarnir færðir úr Laugardalshöllinni í Listasafn Reykjavíkur

Tónleikar rokkarans Iggy Pop, sem verða haldnir 3. maí nk., hafa verið færðir frá Laugardalshöllinni í Listasafn Reykjavíkur, Hafnarhúsinu í Tryggvagötu, en þetta kemur fram í tilkynningu frá tónleikahöldurum. Fram kemur að sæti og stæði gildi áfram þrátt fyrir þessa breytingu.

Húsið opnar kl 19.30 og Dr. Spock hefur sinn flutning um 20.30. Búast má við mikilli sýningu frá þeim, nýjum búningum og ýmsum óvæntum atburðum, segir í tilkynningu.

Iggy og the Stooges koma til landsins á þriðjudaginn 2. maí.

Miðasala er enn í gangi og fáir miðar eru eftir við þennan flutning, og miðar í sæti eru uppseldir.

Sölustaðir eru eftirfarandi: Mál og Menning Laugavegi 18, Penninn Glerártorgi Akureyri, Hljóðhúsið Selfossi, Hljómsýn Keflavík, Tónspil Neskaupstað.

Hægt er að kaupa miða í gegnum netið á www.citycentre.is.

• Blogga um frétt