Hakone Kowakien hótelið og heilsulindin vestur af Tókýó í Japan býður upp á allsérstaka fótsnyrtingu sem kölluð er „Fiskur læknir“. Þar sitja gestir í fótabaði og láta örsmáa fiska narta í tær, iljar og hæla.
Fiskarnir eru um þúsund talsins og heita „garra rufa“. Þeir borða dauða húð af fótum viðskiptavina og halda margir því fram að fiskarnir losi fólk við húðsjúkdóma.