Keanu Reeves fékk kvíðaköst af ótta við að verða fertugur

Leikarinn Keanu Reeves ákvað að það væri tími til kominn að leita sér sálfræðiaðstoðar eftir að það fór að bera á kvíðaköstum hjá honum yfir því að hann væri að verða fertugur.

Reeves áttaði sig á því að hann einblíndi um of á vinnuna og hann ákvað að hann þyrfti að hægja á sér og endurmeta líf sitt.

„Ég hóf að sækja meðferð og ég vann með sjálfum mér. Það hlaut að koma að þessu, ég býst við því að það hafi verið tími til kominn,“ segir Reeves.

„Ég átti þessa sígildu stund þar sem ég var að verða fertugur og allt það sem því fylgir. Að auki vann ég gríðarlega mikið. Það var í rauninni kominn tími til að ég stæði kyrr um stund. En nú er ég tilbúinn að hefja vinnu á nýjan leik,“ segir Reeves sem verður hvorki meira né minna en 42 ára næsta haust.

• 1 blogg um fréttina

Bloggað um fréttina

• Pálína Erna Ásgeirsdóttir: Gott fyrir hann að geta leitað sér hjálpar