Nonnabúð hættir

Nonnabúð er öll, að því er segir í "dánartilkynningu" sem Jón Sæmundur Auðarson hefur birt. Í dag fagnar verslunin á Laugavegi 20b þriggja ára afmæli, en dagurinn markar um leið upphafið að endalokunum því Jón hefur ákveðið að loka búðinni.

Í samtali við blaðamann sagðist Jón upphaflega hafa hugsað búðina sem innsetningu og gjörning og þykir nú kominn tími til að sinna öðrum verkefnum. Hann bætir við að best sé að hætta á toppnum.

Næstu tvo mánuði hyggst Jón Sæmundur halda versluninni eftirminnilega erfidrykkju og verða til sölu alls kyns fágætir munir og fatnaður fyrir fjöldamarga aðdáendur Dead-línunnar.