Fyrsta plata Benna Hemm Hemm gefin út um alla Evrópu

Fyrsta plata Benna Hemm Hemm, sem ber nafn hans sem titil og var valin hljómplata ársins í flokknum ,,Ýmis tónlist" á Íslensku tónlistarverðlaununum 2005, verður gefin út um gervalla Evrópu þann 18. ágúst næstkomandi. Útgáfan er á vegum Sound of a handshake, sem er undirfyrirtæki Morr Music í Berlín.

Meðfram plötunni kemur út sjötommu vínylplata með lögunum BeginningEnd og Beygja og beygja. 5. september næstkomandi kemur platan svo út í Bandaríkjunum, ásamt sjötommunni.

Eftirvæntingin er mikil í herbúðum Benna Hemm Hemm, en sveitin fer í tónleikaferðalag til Þýskalands nú um miðjan ágúst. Hljómsveitin hefur verið við upptökur í Sundlauginni í sumar og er ný hljómplata komin langt á veg. Frá þess segir í tilkynningu frá tónlistarmanninum.

• Blogga um frétt