Dýrir timburmenn

Áhugafólki um mexíkóska menningu býðst nú að kaupa 100% blátt Agave Tekíla, sem fengið hefur að þroskast í sex ár, og fæst keypt í platínuflöskum. Timburmennirnir verða þó dýrir því flaskan kostar sem svarar hálfri sautjándu milljón króna. Framleiðandi Ley .925 Tekíla tegundarinnar segir að ef varan seljist verði það heimsmet og er stefnt á að komast í Guinnes heimsmetabókina. Aðeins 33 slíkar flöskur hafa verið framleiddar, en þeim sem ekki eru jafn fjáðir býðst að fjárfesta í sama drykk en í gull og platínuskreyttri flösku fyrir aðeins ellefu milljónir króna.

• Blogga um frétt