Api beit Paris Hilton

Hótelerfinginn, samkvæmisljónið og fyrirsætan Paris Hilton var bitin í handlegginn af einu gæludýra sinna, apanum Baby Luv, sem er af tegundinni kinkajou. Hilton keypti apann í fyrra og var að leika við hann þegar hann stökk á handlegg hennar og beit í hann.

Talsmaður Hilton, Elliot Mintz, staðfestir að þetta hafi gerst og að hann hafi farið með Hilton á sjúkrahús. Sárið reyndist þó grunnt og fékk Hilton stífkrampasprautu. Heilsa hennar mun vera góð.

• Blogga um frétt