Britney fæðir annað barn sitt

Bandarískir fjölmiðlar herma að söngkonan Britney Spears hafi fætt dreng í gærmorgun. Drengurinn, sem tekinn var með keisaraskurði er annað barn hjónanna Spears og Kevin Federline, en sonur þeirra Sean Preston verður eins árs á fimmtudaginn nk. Söngkonan var feykivinsæl fyrir fáeinum árum, en hefur helst vakið athygli undanfarið fyrir uppátæki tengd börnum sínum.

Hún var harðlega gagnrýnd fyrir að aka bíl með son sinn kornungan í fanginu, og skammt er síðan nektarmyndir af söngkonunni óléttri af yngri syninum voru bannaðar í neðanjarðarlestakerfi Tókýó borgar.

Auglýsingamynd af nakinni og barnshafandi Britney Spears á jarðlestastöð í Tókýó. Reuters

• Blogga um frétt