Sykurmolarnir saman á ný

Í tilefni þess að tuttugu ár eru liðin frá því hljómsveitin Sykurmolarnir gáfu út smáskífu með laginu AMMÆLI ætlar hljómsveitin að koma saman aftur og spila á einum tónleikum í Laugardalshöll 17. nóvember næstkomandi.

AMMÆLI kom út 21. nóvember 1986 á Íslandi. Þegar það kom út í Bretlandi fór það beint á toppinn á óháða vinsældarlistanum.

Með því hófst ferill Sykurmolanna og plötuútgáfunnar Smekkleysu undir slagorðinu „heimsyfirráð eða dauði”. Fullskipuð kom hljómsveitin síðast fram á tónleikum 18. nóvember 1992.

FL Group mun styrkja tónleikana og Icelandair kemur einnig að tónleikunum, meðal annars með því að bjóða um allan heim sérstakar pakkaferðir til landsins af þessu tilefni. Slíkt hefur verið gert áður, meðal annars þegar Björk Guðmundsdóttir, annar forsöngvari Sykurmolanna, hefur haldið tónleika á Íslandi, að því er segir í tilkynningu.

• Blogga um frétt